}{ott@bıç

Gənc haker və proqramçı Qena çətin günlər keçirir. Sevdiyi qız onu tərk edib, arxasınca isə həm cinayətkarlar, həm də xüsusi xidmət orqanları düşüb. Çıxılmaz vəziyyətdə qalan gəncin qarşısına min illərlə küpdə həbsdə qalmış cin çıxır. Qədim Xottabıç onu azad edən Qenanın üç arzusunu yerinə yetirməyə razılaşır.

Lakin cinin də öz qayğıları var: onun qədim düşməni Şaytanıç arxasını buraxmır. Təqiblərdən qaçan qəhrəmanlar Qırmızı meydan üzərində uçan linoleumla gəzir, internet şəbəkəsində səyahət edir və insanları əşyalara, əşyaları isə insanlara çevirərək sehrbazlıq edirlər.

2006-cı ildə çəkilmiş fantastik komediya filmi «}{ott@bıç» Rusiyada istehsal olunub. Ekran əsərinin rejissoru Pyotr Toçilindir, baş rollarda isə Rostislav Kroxin, Yuliya Paranova, Mila Lipner və Qriqori Skryapkin çəkiliblər.