Didye

Futbol agenti rəfiqəsinin xahişi ilə onun Didye adlı sevimli itinə bir neçə gün baxmağa razılaşır. İşlərində problemlər yaşayan və vaxtı çatmayan kişi üçün bu, əlavə bir yükə çevrilir. Lakin gecələrin birində gözlənilməz bir möcüzə baş verir və dördayaqlı it öz köhnə vərdişlərini saxlayaraq insana çevrilir.

İnsan cildinə girən Didye öz səmimiyyəti və mehribanlığı ilə dərhal ətrafdakıların diqqətini çəkir. Qəribə davranışlarına baxmayaraq, o, qadınların rəğbətini qazanır və cəmiyyətdə asanlıqla yer tapır. Üstəlik, onun qeyri-adi bacarıqları yaşıl meydanda üzə çıxır, bu da Didyeni uğurlu futbolçuya çevirərək agentin həyatını tamamilə dəyişir.

1996-cı ildə çəkilmiş «Didye» filminin rejissoru Alen Şabadır. Əsas rolları Jan-Pyer Bakri, Karolin Sellye, Paskal Janneso və Elliot ifa ediblər. Kinolent Fransa, İsveçrə və Belçika kinematoqrafçılarının birgə əməyi ilə ərsəyə gəlib.