Ayaqların Altındakı Mavi Səma

Yuxarı sinif şagirdləri Miyu və Şuya iki ildir ki, sevgilidirlər. Cütlük hər ayın ilk günü mütləq kinoya getmək barədə verdiyi vədə həmişə əməl edir. Lakin növbəti belə günlərin birində oğlan qəribə və gizli davranaraq planı təxirə salır, bir qədər sonra isə qıza başqa yerdə görüş təyin edir. Təyin olunmuş məkana gələn Miyu dəhşətli bir hadisə ilə üzləşir: sevgilisi avtomobil qəzasına düşür.

Gördüyü mənzərənin şokundan huşunu itirən gənc qız eyni günün səhərində öz yatağında oyanır. Tezliklə o, eyni saatları təkrar-təkrar yaşadığı bir zaman tələsinə düşdüyünü anlayır. Miyu faciəvi hadisənin qarşısını almaq və sevdiyi insanı xilas etmək üçün bu günü dəfələrlə yenidən keçməli olur.

«Ayaqların Altındakı Mavi Səma» adlı Yapon melodrama filmi 2022-ci ildə ekranlara çıxıb. Ekran əsərinin quruluşçu rejissoru Yuki Saitodur. Baş rolları Riko Fukumoto, Genta Matsuda, Mizuki İtaqaki və Vakana Matsumoto ifa ediblər.