Bleyz

On iki yaşlı qız təsadüfən şahidi olduğu qəddar hadisənin yaratdığı ağır sarsıntı ilə üz-üzə qalır. Gözləri önündə baş verənlər onun daxili dünyasında dərin iz buraxır və yeniyetmə reallığın gətirdiyi ağrını dərk etməyə çalışır. Suallarına aydınlıq gətirmək üçün o, öz təxəyyülünün yaratdığı xəyali aləmə üz tutur.

Qızcığazın daxili təlatümləri fonunda atası ona dayaq olmağa, onu qorumağa və bu çətin axtarışlarda yol göstərməyə çalışır. Reallıqla xəyal dünyası arasındakı bağ onun kədərlə mübarizəsində əsas vasitəyə çevrilir.

Avstraliya istehsalı olan «Blaze» filmini rejissor Del Ketrin Barton çəkib. 2022-ci ilin dram və fentezi janrında olan bu ekran əsərində baş rolları Culiya Sevic, Saymon Beyker, Coş Louson və Yael Stoun ifa edirlər.