Yeni kunq-fu ustası

Döyüş sənəti dünyasında Səma Qılıncı və Əjdaha Qıran Qılınc adlı əfsanəvi silahlar uğrunda qarşıdurmalar onilliklərdir səngimək bilmir. Udan məktəbinin yetirməsi Can Tsuyşan və rəqib klandan olan sevgilisi İn Susu davalardan uzaqlaşıb övladları Can Utszini böyütmək istəyirlər. Silahların sirrini öyrənmək istəyən düşmənlər ailəni pusquya salır; ata həlak olur, zəhərlənən və ağır yaralanan balaca Utszi isə tək qalır.

«Yeni kunq-fu ustası» filmi böyüyən gəncin sağ qalmaq üçün apardığı mübarizədən bəhs edir. Bədənindəki zəhəri təmizləmək məqsədilə o, qədim və gizli döyüş sirlərini öyrənməyə məcbur olur. Bu biliklər onu klanlar arasındakı yeni toqquşmaların düz mərkəzinə gətirib çıxarır.

Ekran əsərinin quruluşçu rejissoru Von Tszindir. Çin və Honq Konq istehsalı olan bu fentezi döyüş filmi 2022-ci ildə işıq üzü görüb. Baş rolları Reymond Lam, Cenis Man, Sabrina Tsü və Luis Ku canlandırıblar.