Cinayətkar fikirlər

Məktəb məzuniyyəti gecəsi Freya Makkalisterin taleyində qaranlıq bir dönüş nöqtəsi olur. Başında kənar səslər eşitməyə başlayan gənc qıza şizofreniya diaqnozu qoyulur və o, ruhi xəstəxanaya yerləşdirilir. Freya səkkiz uzun ili təcrid olunmuş vəziyyətdə, bu amansız sınaqla təkbaşına mübarizə apararaq keçirir.

Gecələrin birində xəstəxanaya gələn doktor Maykl Vells onun həyatını tamamilə dəyişir. Həkim Freyaya dəli olmadığını, əslində ətrafdakı insanların düşüncələrini eşitdiyini izah edir. Vells gənc qadına telepatik qabiliyyətini idarə etməyi və bu bacarıqdan düzgün istifadə etməyi öyrətməyə başlayır.

ABŞ və Kanada istehsalı olan «Cinayətkar fikirlər» fantastik döyüş filmini rejissor Brek Eysner ərsəyə gətirib. 2003-cü ildə təqdim olunan ekran əsərində baş rolları Navi Ravat, Co Fleniqan, Piter Horton və Co Morton canlandırıb.