Göl kənarındakı ev

Münasibətləri bitdikdən sonra Keyt Forster iş yerinə daha yaxın olmaq və hər şeyi yenidən başlamaq üçün sahilboyu evindən köçür. O, gələcək sakinə bəzi detalları izah edən bir məktub yazıb poçt qutusuna qoyur. Həmin ünvana yeni köçən memar Aleks Uayler isə binanın vaxtilə öz atası tərəfindən tikildiyini bilir. Qadının qeydlərini oxuyan Aleks oradakı təsvirlərin reallığa uyğun gəlmədiyini görür və cavab yazmağı qərara alır.

Yazışmalar davam etdikcə hər iki qəhrəman qəribə bir həqiqətlə üzləşir: onlar eyni məkanda yaşasalar da, aralarında iki il zaman fərqi var. Aleks 2004-cü ildə, Keyt isə 2006-cı ildə yaşayır və onları bir-biri ilə bağlayan yeganə vasitə həmin sehrli poçt qutusu olur.

«The Lake House» adlı fantastik melodram filminin rejissoru Alexandro Aqrestidir. Baş rolları Kianu Rivz və Sandra Bullok canlandırıb, digər obrazlarda isə Kristofer Flammer və Ebon Moss-Bakrak yer alıb. ABŞ və Cənubi Koreya istehsalı olan bu ekran əsəri 2006-cı ildə nümayiş olunub.