The Great Sage Sun Wukong

Dəhşətli quraqlıq torpaqları bürüdüyündən ətrafdakı iblislər Huaqo dağını mühasirəyə almağa başlayırlar. Yalnız bu məkanda hələ də şirin su qaynaqları qalmışdı. Sun Ukon doğma yerləri hücumlardan qorumaq üçün silah tapmaq və baş verən fəlakətin səbəbini öyrənmək məqsədilə qardaşlığı ilə birgə yola çıxır.

Silah axtarışı onları Şərq dənizinə, əjdaha şahının sualtı sarayında keçirilən xəzinə yarışına gətirib çıxarır. Burada qəhrəmanlar fanilər aləmini məhv etməyə hazırlaşan şər əjdahanın təhlükəli planının izinə düşürlər.

2019-cu il istehsalı olan Çin filmi fentezi və döyüş janrlarını özündə birləşdirir. Ekran əsərinin rejissoru Çen Çjihundur, baş rolları isə Luis Fan, Du Yufen, Çju Lilan və Li Syanşi canlandırıblar.