Stree

Hər il keçirilən dördgünlük pudja bayramı zamanı gəlin cildində olan bir ruhun küçələrdə gəzdiyinə inanılır. Rəvayətə görə, bu varlıq gənc kişiləri səsləyir və kimsə arxaya boylansa, bunu onunla qalmağa razılıq kimi qəbul edir.

Viki bu əfsanəyə qətiyyən inanmır. Lakin bayramın ilk günündə tanımadığı gənc bir qız ona yaxınlaşaraq maraq göstərir və Viki dərhal ona aşiq olur. O, baş verənləri dostları Yana və Bittuya danışır. Vəziyyəti dərindən araşdıran Bittu anlayır ki, Vikinin görüşdüyü həmin qız əslində şəhərdə dolaşan qorxunc gəlin ruhu ola bilər.

Fentezi, komediya və melodram janrlarını birləşdirən «Stree» filmi 2018-ci ildə Hindistanda istehsal olunub. Ekran əsərinin rejissoru Amar Kauşikdir. Əsas rolları Şraddha Kapur, Racqumar Rao, Pankac Tripathi və Aparşakti Xurana canlandırıblar.