Qadınlar nə istəyir

Nik Marşal reklam agentliyində uğurlu karyera qurub və rəhbər vəzifəyə yüksələcəyinə ümid edir, lakin həmin posta Darsi Makquayr təyin olunur. Çox keçmədən baş verən gözlənilməz bir qəza onun həyatını tamamilə dəyişir. Qəfildən Nik ətrafındakı qadınların zehnindən keçən bütün gizli düşüncələri eşitməyə başlayır.

O, bu qeyri-adi qabiliyyətindən öz maraqları üçün istifadə etməyi və rəqibinə qalib gələrək vəzifəni geri almağı planlaşdırır. Lakin qadınların daxili aləmini öyrəndikcə Nik Darsiyə qarşı fərqli münasibət bəsləməyə başlayır. Şirkətdaxili intriqa gözlənilmədən qarşılıqlı məhəbbətə çevrilir.

«What Women Want» filmi 2000-ci ildə ABŞ-da rejissor Nensi Mayers tərəfindən çəkilib. Romantik komediyada əsas rolları Mel Qibson, Helen Hant, Marisa Tomey və Loren Holli ifa ediblər.