Böyük əyləncə

Evlilik həyatından sıxılan üç dost — Prem, Meet və Amar ailə qayğılarından uzaqlaşmaq üçün fürsət axtarırlar. Nəhayət bəxt onların üzünə gülür və Amarın ailəsinə məxsus kənd malikanəsini təcili satmaq zərurəti yaranır. Beləliklə, yoldaşlarını geridə qoyan dostlar dərhal kəndə yola düşürlər.

Kəndə çatdıqda bəlli olur ki, yerli sakinlər bu köhnə evdən qorxur və oradan gen gəzirlər. Mülkdə gənc bir qadının ruhunun dolaşması barədə deyilən qorxulu rəvayətlərə məhəl qoymayan kişilər içəri yerləşirlər. Çox keçmədən onları qapıda cazibədar və sirli bir qadın qarşılayır.

«Great Grand Masti» adlı Hindistan istehsalı komediya və qorxu filmi 2016-cı ildə rejissor İndra Kumar tərəfindən çəkilib. Ekran əsərində baş rolları Riteş Deşmukh, Vivek Oberoy, Aftab Şivdasani və Urvaşi Rautela canlandırır.