Onlar qayıdırlar

Meksikada narkotik müharibələri nəticəsində on minlərlə insan itkin düşür və saysız-hesabsız uşaq valideynsiz qalır. Rəsmi qurumlar bu fəlakətin qarşısını almaqda aciz olduğu üçün kimsəsizlər öz başlarının çarəsinə baxırlar. On iki yaşlı Estrellanın anası da evə dönmür. Məktəb yaxınlığında atışma baş verən gün müəllimə qorxan qıza sakitləşməsi üçün üç təbaşir parçası verərək bunların üç arzu olduğunu söyləyir. Estrellanın ilk istəyi gerçəkləşir, lakin anası onun yanına ruh kimi qayıdır.

Evdən qaçan qız ailələrini cinayətkarların qətlə yetirdiyi küçə uşaqlarının dəstəsinə qoşulur. Kimsəsizlərin rəhbəri Şayne yerli mafiozlardan birinin tapançasını və telefonunu oğurlayaraq intiqam planı qurur.

«Onlar qayıdırlar» filmi dram, kriminal, qorxu və fentezi janrlarının qarışığından ibarətdir. Ekran əsərinin rejissoru İssa Lopesdir. Əsas rolları Paola Lara, Xuan Ramon Lopes, Neri Arredondo və Anssel Kasilyas canlandırıblar.