Kocan Kadar Konuş: Diriliş

«Kocan Kadar Konus Dirilis» komediya filmi Efsun və Sinanın münasibətlərindəki yeni mərhələdən bəhs edir. Cütlük evlənməyə qərar verir və toy hazırlıqlarına başlayır. Lakin onların bu niyyəti hər iki tərəfin şıltaq ailə üzvlərinin prosesə qarışması ilə çətin sınağa çevrilir.

Sinanın nüfuzlu və sərt nənəsi Cavidə gəlini bəyənmir və öz şərtlərini irəli sürür. Efsunun nənəsi Peykərin də bu mübahisəyə qoşulması tərəflər arasındakı ziddiyyətləri daha da alovlandırır. Sadə bir mərasim təşkil etmək istəyən gənclər iki ailənin ənənə və iddia toqquşmasının ortasında qalırlar.

Türkiyə istehsalı olan bu davam filmini 2016-cı ildə rejissor Kıvanç Baruönü lentə alıb. Əsas rolları Ezgi Mola, Murat Yıldırım, Nevra Serezli və Hümeyra canlandırıblar.