Kabus

Keramika sənətində təcrübə qazanmaq üçün Yaponiyaya gələn Kim Cun-ho burada böyük şirkət rəhbərlərindən olan Nanami Hoşino ilə tanış olur. Qısa müddətdə bir-birini sevən cütlük ailə qurur, lakin onların sevinci uzun çəkmir. Nanami öz ad günündə qəfil və faciəvi şəkildə həyatını itirir.

Gənc qadının ruhu dünyanı tərk edə bilmir, çünki onun qatili indi də ərinin həyatına qəsd etmək niyyətindədir. Heç kimin görmədiyi və eşitmədiyi kabus sevdiyi adamı labüd ölümdən xilas etməyə çalışır. Eyni zamanda, Nanami sağlığında ona ən vacib söz olan sevgisini etiraf etməyə fürsət tapmadığı üçün narahatlıq keçirir.

«Kabus» («Gosuto») adlı mistik melodram 2010-cu ildə rejissor Taro Otani tərəfindən Yaponiya və Cənubi Koreya ortaq layihəsi kimi çəkilib. Baş rolları Nanako Matsuşima, Son Sın-hon, Kirin Kiki və Mana Aşida ifa edirlər.