Fantagiro 2

Fantagiro ilə kral Romualdonun toy mərasiminə hazırlıqlar başa çatmaq üzrədir. Gənc xanım bir daha əlinə qılınc almayacağını vəd edir, Ağ cadugər isə bu andı sehrlə möhkəmləndirir. Lakin sevincli anları qəfil gələn kədərli xəbər pozur.

Səfərdən qayıdan qoca kral Qara kraliçanın döyüşçüləri tərəfindən əsir götürülüb. Amansız cadugər əsirin azadlığı müqabilində krallığın təhvil verilməsini tələb edir və tərəflər arasında müharibə başlayır. Romualdo qoşunla döyüşə yollanır, Fantagiro isə verdiyi sözü pozaraq zirehini geyinib nişanlısının arxasınca gedir.

1992-ci il istehsalı olan «Fantaghirò 2» filminin rejissoru Lamberto Bavadır. «Qızıl gül mağarası» silsiləsinə aid olan bu İtaliya nağıl filmində baş rolları Alessandra Martines, Kim Rossi Stüart, Stefano Davantsati və Tomas Valik canlandırıblar.