Pilotlar

Hadisələr Böyük Vətən müharibəsinin son günlərində cərəyan edir. Çexoslovakiyanı Hitlerin nəzarətinə verən Münhen sövdələşməsindən sonra çex vətənpərvəri Yan Treybal doğma yurdunu tərk etmək məcburiyyətində qalır. Sovet İttifaqına pənah gətirən qəhrəman Birinci Çexoslovakiya aviasiya diviziyasının tərkibindəki manqanın komandiri təyin olunur.

Onunla çiyin-çiyinə müxtəlif xarakterli pilotlar xidmət edir. Şən xasiyyətli kiçik leytenant Martin Qabriel, güzəştsiz leytenant Aleksandr Lejnev və həyata hələ romantik baxışlarla yanaşan gənc pilot Tomek Yandak Yan ilə birlikdə mürəkkəb hava döyüşlərinə atılırlar.

«Pilotlar» hərbi dram filmi 1988-ci ildə SSRİ və Çexoslovakiyanın birgə istehsalı kimi təqdim edilmişdir. Ekran əsərinin quruluşçu rejissorları İqor Bityukov və Otakar Fukadır, əsas rolları isə Petr Stepanyek, Karel Qreyf, Peter Rufus və Mixal Quçik canlandırıblar.