Hind-Çin

Fransız qadın Eliana böyük kauçuk plantasiyasına rəhbərlik edir və yetim qalmış Kamillanı övladlığa götürərək böyüdür. Ölkəyə təzəcə gəlmiş gənc dəniz zabiti ilə qarşılaşma qadının qəlbində güclü hisslər oyadır. Çox keçmədən həmin hərbçi Kamillanı təhlükədən xilas edir və gənc qız da xilaskarına qarşı dərin məhəbbət bəsləməyə başlayır.

Zabit uzaq şimal postuna xidmətə göndərildikdə münasibətlər daha da mürəkkəbləşir. Sevdiyi şəxsdən ayrı qalmaq istəməyən gənc qız evdən qaçaraq onun ardınca təhlükəli yola çıxır. Uzun səfər boyu Kamilla öz ölkəsinin üzləşdiyi kədərli hadisələrin və xalqın çəkdiyi əzabların şahidi olur.

«Hind-Çin» («Indochine») tarixi dramını 1992-ci ildə fransız rejissoru Rejis Varnye çəkib. Fransa, Vyetnam və Malayziyanın birgə istehsalı olan bu ekran əsərində baş rolları Katrin Denöv, Vensan Peres, Fam Lin Dan və Jan Yann canlandırıblar.