Borc

«Upkar» filmi ailəsini dolandırmaq üçün torpaqda çalışan sadə kənd sakini Bharatdan bəhs edir. O, kiçik qardaşı Puranın parlaq gələcəyə sahib olması naminə öz rahatlığından keçərək onun xaricdəki təhsil xərclərini təkbaşına ödəyir.

Təhsilini başa vurub kəndə qayıdan Puran isə tamamilə yad və eqoist bir insana çevrilir. Qərəzli qohumların və bədxahların təhrikinə qapılan gənc oğlan əvvəlki dəyərlərini rədd edir və ailə mülkünün dərhal bölünməsini tələb edir.

1967-ci ildə Hindistanda istehsal olunmuş bu dram filminin rejissoru baş rolu da canlandıran Manoc Kumardır. Ekran əsərində həmçinin Aşa Parex, Prem Çopra və Kanhayyalal Çaturvedi çəkiliblər.