Usta

İkinci Dünya müharibəsinin sonunda Varşava üsyanı yatırıldıqdan sonra işğalçılar hər bir gizli müqavimət addımına görə girovları güllələyir. Qismən dağılmış monastırda müxtəlif peşə sahibləri — həkim, vəkil, pianoçu və müəllimə sığınacaq tapıb. Onların hamısı gestaponun siyahısındadır və hər an həyatlarını itirmək təhlükəsi ilə üz-üzədir.

Buna baxmayaraq, insanlar müharibədən sonrakı dövr haqqında düşünür və gələcəklə bağlı arzular qururlar. Sakinlərin bəzən zarafatla, bəzən də ciddi şəkildə Usta adlandırdığı yaşlı bir aktyor isə inadla Maqbet rolunu məşq edir və azadlıqdan sonra böyük səhnəyə çıxmağa hazırlaşır. Ətrafdakılar onun bu istəyinə şübhə ilə yanaşarkən monastıra gestapoçular daxil olur.

«Usta» hərbi dram filmi 1966-cı ildə Polşada rejissor Yeji Antçak tərəfindən lentə alınıb. Baş rolları Yanuş Varnetski, İqnasi Qoqolevski, Rışarda Xanin və Henrik Borovski canlandırıb.