Kukuşka

1944-cü ilin sentyabrında, Finlandiyanın müharibədən çıxmasına bir neçə gün qalmış iki əsgərin yolu kəsişir. Qayaya zəncirlənmiş fin snayperi Veyko zəncirlərdən xilas olmağı bacarır. Eyni zamanda Sovet ordusunun kapitanı İvan həbs edildikdən sonra möcüzə nəticəsində sağ qalır.

Bir-birinə düşmən olan hərbçilər yerli saam qadını Anninin təsərrüfatına pənah gətirirlər. Ev sahibi üçün onlar düşmən deyil, sadəcə iki insandır. Üstəlik, bu üç nəfərin hər biri tamam fərqli dillərdə danışır və bir-birini anlamağa çalışır.

«Kukuşka» adlı bu hərbi dram və komediya filmi 2002-ci ildə Rusiyada rejissor Aleksandr Roqojkin tərəfindən lentə alınıb. Baş rolları Anni-Kristina Yuuso, Ville Haapasalo, Viktor Bıçkov və Aleksey Kaşnikov canlandırıblar.