Taxta xaçlar

Hüquq fakültəsinin tələbəsi Jilber Demaşi 1914-cü ildə Birinci Dünya müharibəsi cəbhəsinə könüllü yollanır. Ön xəttə gəlib çıxan bu təcrübəsiz gənc dərhal səngər həyatının sərt gerçəkliyi ilə qarşılaşır. Zavod fəhləsi Sülfar onu öz himayəsinə götürərək döyüş meydanında sağ qalmağın yollarını öyrətməyə çalışır.

Onların yanında keçmiş çörəkçi olan kapral Breval da xidmət edir. O, arxasınca qoyub gəldiyi həyat yoldaşından heç olmasa bir məktub almaq ümidi ilə yaşayır. «Taxta xaçlar» hərbi dram filmi müharibənin gətirdiyi ümidsizliyi, insan itkilərini və cəbhədəki əsgərlərin çətin günlərini nümayiş etdirir.

1932-ci il istehsalı olan bu Fransa filminin rejissoru Raymon Bernardır. Ekran əsərində baş rolları Pyer Blanşar, Qabriel Qabrio, Şarl Vanel və Raymon Emos canlandırıblar.