Vinni adlı ayı

«A Bear Named Winnie» hərbi dramı Birinci Dünya müharibəsi ərəfəsində baş verən gerçək hadisələrdən bəhs edir. Cəbhəyə yola düşməyə hazırlaşan kanadalı leytenant Harri Koulborn anasını ovçuların öldürdüyü balaca ayı balasını xilas edir. Doğma şəhəri Vinnipeqin şərəfinə ona Vinni adını verən zabit heyvanı alaya gətirir və ayı tezliklə bütün əsgərlərin sevimli talismanına çevrilir.

Döyüş şəraiti səbəbindən hərbçilər Vinnini London zooparkına təhvil verməli olurlar. Müharibə bitdikdən sonra Koulborn ayını vətəni Kanadaya qaytarmaq vədinə əməl etmək üçün paytaxta qayıdır. Lakin heyvanın uşaqlara bəxş etdiyi sevinci görən zabit onu Londonda saxlamaq qərarına gəlir. Məhz bu ayı sonralar yazıçı Alan Milnə məşhur nağıl qəhrəmanı haqqında kitablar yazmaq üçün ilham mənbəyi olur.

2004-cü ildə ekranlara çıxan Kanada istehsalı filmin rejissoru Con Kent Harrisondur. Əsas rolları Maykl Fassbender, Qil Bellouz, Devid Suşe və Stiven Fray canlandırıblar.