Frida

1945-ci ilin yazında Polşanın dağıdılmış kilsələrindən birində britaniyalı zabit Robert ilə alman tibb bacısı Frida ailə həyatı qurur. Hərbi əsirlikdən qaçmağa kömək edən bu qadın zabiti sevsə də, Robert üçün bu nikah xilaskarına təşəkkür etmək və onu İngiltərəyə aparmaq vasitəsidir. İngiltərənin kiçik şəhərciyində yerli sakinlər uzun sürən müharibənin təsiri ilə alman qadını soyuq və düşməncəsinə qarşılayırlar. Yalnız Robertin həlak olmuş qardaşının dul qalmış arvadı Cudi ona yaxınlıq göstərir, lakin onun özü də Robertə qarşı biganə deyil.

Sülhün gəlişi ilə əhval-ruhiyyə tədricən dəyişir və qəsəbə sakinləri Fridaya öyrəşməyə başlayırlar. Cütlük katolik kilsəsində nikahlarını rəsmiləşdirməyə hazırlaşarkən qəfildən qadının qardaşı Rikki gəlib çıxır. O, Polşa əsgəri geyimində peyda olsa da, bacısı onun hələ də qatı nasist ideyalarına sadiq qaldığını və yeni müharibə həsrətində olduğunu tezliklə anlayır.

Böyük Britaniya istehsalı olan bu hərbi dram filmi 1947-ci ildə rejissor Bezil Dirden tərəfindən çəkilib. Əsas rolları Devid Farrar, May Setterlinq, Qlinis Cons və Flora Robson canlandırıblar.