Gernsi Ədəbiyyat və Kartof Qabığı Piroqu Cəmiyyəti

Müharibə sonrası Londonda yaşayan gənc yazıçı Culyet oxucular dərnəyi haqqında məqalə hazırlamaq tapşırığı alır. Elə həmin ərəfədə Gernsi adasından yerli bir fermer olan Dousidən məktub gəlir. Culyetə məxsus köhnə bir kitab təsadüfən Dousinin əlinə keçir və o, alman işğalından yeni qurtulmuş adada kitab çatışmazlığı olduğundan yazıçıdan yaxşı kitab dükanı tövsiyə etməsini xahiş edir.

Bu yazışma Culyeti adanın keçmişi ilə yaxından tanış edir. Məlum olur ki, yerli ədəbiyyat klubu müharibə dövründə kənd sakinlərinin qadağan olunmuş gizli görüşlərini gizlətmək üçün yaradılıb. Adalıların səmimi hekayələri gənc yazıçının marağını çəkir və onun həyatına güclü təsir göstərir.

«The Guernsey Literary and Potato Peel Pie Society» adlı tarixi dram 2018-ci ildə ekranlara çıxıb. Böyük Britaniya, ABŞ və Fransa istehsalı olan ekran əsərinin rejissoru Mayk Nyuell, baş rol ifaçıları isə Lili Ceyms, Mixil Höysman, Qlen Pauell və Cessika Braun-Findlidir.