Hamı evinə

1943-cü ilin sentyabrında marşal Badolyonun barışıq və Amerika qoşunlarının İtaliyaya gəlişi barədə bəyanatı hərbi hissələrdə böyük səs-küyə səbəb olur. İllərdir davam edən müharibədən cana doymuş ordu mənsubları üçün bu xəbər qayıdış ümidi demək idi. Nizam-intizam pozulur və hər kəs öz evinə yollanmaq üçün fürsət axtarır.

«Tutti a casa» filmi çaşqınlıq içində qalmış əsgərlərin doğma yurdlarına çatmaq üçün atdıqları addımlardan bəhs edir. Hərbi andın və vəzifənin arxa plana keçdiyi bu qarışıq dövrdə insanlar sağ qalıb ailələrinə qovuşmaq məqsədilə yola çıxırlar.

1960-cı ildə ekranlara çıxan bu hərbi komediya-dram İtaliya və Fransa kinematoqrafçılarının birgə istehsalıdır. Filmin rejissoru Luici Komençini, baş rol ifaçıları isə Alberto Sordi, Serj Reccani, Karla Qravina və Martin Bolsamdır.