Həyat qatarı

1941-ci ilin yayında Rumıniyadakı kiçik bir yəhudi kəndinin sakinləri nasist təhlükəsi ilə üz-üzə qalır. Təqiblərdən xilas olmaq üçün kənd camaatı inanılmaz bir qərar verir: onlar bütöv bir qatar təşkil edərək Fələstinə qaçmaq niyyətinə düşürlər.

Bu qeyri-adi planın həyata keçməsi üçün bütün kənd səfərbər olur. Sakinlər pul toplayır, saqqallarını qırxır, alman dilini öyrənir və hətta özlərini düşmən əsgəri kimi aparmağı məşq edirlər. Yola düşən saxta qatarın sərnişinlərini təhlükə, ümidsizlik və gözlənilməz hadisələrlə dolu çətin bir səfər gözləyir.

«Həyat qatarı» (Train of Life) filminin rejissoru Radu Mixaylyanudur. Fransa, Niderland, Belçika, İsrail və Lüksemburqun ortaq istehsalı olan bu hərbi komediya-dramında əsas obrazları Lionel Abelanski, Rüfüs və Kleman Arari canlandırıb.