Xilasedici qayıq

Hadisələr İkinci Dünya müharibəsi illərində açıq dənizdə cərəyan edir. Alman sualtı qayığının hücumu nəticəsində sərnişin gəmisi batır, lakin dənizaltı da onunla bərabər suyun dibinə gedir. Sağ qalmış bir qrup insan kiçik bir qayığa sığınmağa nail olur.

Çox keçmədən batan sualtı qayığın kapitanı da onların yanına çatır. Xilas olanlar aradakı düşmənçiliyə baxmayaraq, təcrübəli bir dənizçi kimi onları quruya çıxaracağı ümidi ilə onu qayığa qəbul edirlər. «Lifeboat» filmi fərqli insanların açıq sularda birgə qalmaq məcburiyyətini təsvir edir.

1944-cü ildə ABŞ-da lentə alınmış bu hərbi dramın rejissoru Alfred Hiçkokdur. Əsas rolları Tallula Benkhed, Con Hodiak, Hyum Kronin və Meri Anderson canlandırıblar.