Stalinqrad

1942-ci ilin qışında Vermaxtın altıncı ordusu tamamilə dağıdılmış Stalinqrad uğrunda döyüşlər aparır. Seçmə alman əsgərlərindən ibarət tağım elə ilk toqquşmada heyətinin yarıdan çoxunu itirir. Qalan döyüşçülər sağ qalmaq üçün çətin mübarizəyə başlayırlar.

Fasiləsiz atəşlər, «katyuşa» səsləri, soyuq hava və aclıq insanları dəlilik həddinə çatdırır. Keçmiş ideallarını itirən əsgərlər ölüm ilə həyat arasındakı incə xətt üzərində qalırlar. Yaşadıqları dəhşətlərdən sonra rəhbərliyin sona qədər müqavimət göstərmək tələbi onlar üçün tamam başqa məna kəsb edir.

«Stalinqrad» adlı hərbi dram filmi 1992-ci ildə Almaniyada ekranlara çıxıb. Əsərin rejissoru Yozef Filsmayerdir. Əsas rolları Dominik Horvits, Tomas Kreçman, Yoxen Nikel və Sebastyan Rudolf canlandırıblar.