Fortunat

Fransız Noell Fortunata nasistlər tərəfindən həbs olunmuş Müqavimət hərəkatı üzvünün ailəsini təhlükəsiz bölgəyə keçirmək tapşırılır. Cərrahın həyat yoldaşının çarəsizliyi və təkbaşına ayaqda qala bilməməsi Noeli onların yanında qalmağa məcbur edir. Beləliklə, o, geri qayıtmaq planını hər gün bir az da təxirə salır.

Bu ailəyə qayğı göstərmək Noeli tamamilə dəyişir. O, içkini atır, uşaqlara bağlanır və Jülyettaya dərin hisslər bəsləməyə başlayaraq gələcəklərini bir yerdə təsəvvür edir. Lakin müharibənin başa çatması və qadının həyat yoldaşının həbs düşərgəsindən qayıtması Noelin bu ailə ilə yollarını birdəfəlik ayırır.

1960-cı ildə ekranlara çıxan «Fortunat» filmi Fransa və İtaliyanın birgə istehsalıdır. Aleks Joffenin çəkdiyi hərbi dramda baş rolları Burvil və Mişel Morqan canlandırıblar.