Təzyiq

1944-cü ilin iyununda müttəfiq qüvvələr Normandiya sahillərinə desant çıxarmaq üçün son hazırlıqları tamamlayır. Hər hansı gecikmə planların alman kəşfiyyatı tərəfindən aşkarlanması təhlükəsini yaradır. Qərb cəbhəsinin gələcəyi hərbi rəhbərliklə yanaşı hava proqnozunu hazırlayan alimlərin qərarlarından asılı vəziyyətə düşür.

Britaniyalı baş meteoroloq Ceyms Steqq general Duayt Eyzenhauer başda olmaqla bütün komandanlığı öz qeyri-adi tədqiqat metodlarına inanmağa məcbur etməlidir. Yaxınlaşan iki fırtınanın dəqiq vaxtını hesablamaq və əməliyyatın başlama anını dəyişmək üçün mütəxəssislərin cəmi 72 saat vaxtı qalır. «Təzyiq» bədii filmi tarixin ən böyük dəniz desantı ərəfəsində verilən mühüm qərarlardan bəhs edir.

Tarixi dram janrında çəkilən filmin rejissoru Entoni Marasdır. ABŞ, Böyük Britaniya və Fransa istehsalı olan ekran əsərində baş rolları Endrü Skott, Brendan Freyzer, Kerri Kondon və Kris Messina canlandırıblar.