General Della Rovere

1943–1944-cü illərin qışında alman işğalı altındakı Genuya şəhərində Müqavimət hərəkatının rəhbərlərindən olan general Della Rovere gestapo tərəfindən təsadüfən qətlə yetirilir. Hadisəni ört-basdır etmək istəyən komendant Bardone adlı fırıldaqçını öldürülmüş generalın yerinə keçməyə vadar edir.

Saxta şəxsiyyətlə Milan həbsxanasına göndərilən Bardone, həqiqi generalın görüşməli olduğu partizan başçısını ifşa etməlidir. Lakin dustaqların arasında keçirdiyi vaxt onun daxili aləmini dəyişir və o, özündə əvvəllər heç vaxt hiss etmədiyi mənəvi güc və liderlik xüsusiyyətləri kəşf edir.

İtaliya və Fransa istehsalı olan «General Della Rovere» hərbi dram filmi 1959-cu ildə rejissor Roberto Rossellini tərəfindən çəkilib. Baş rolları Vittorio De Sica, Hannes Messemer, Vittorio Caprioli və Sandra Milo canlandırıblar.