Qardaşlar

İki doğma qardaşın həyat tərzi bir-birindən kəskin şəkildə fərqlənir. Böyük qardaş Sem nizam-intizamlı hərbçidir, Qreys ilə xoşbəxt ailə qurub və övlad böyüdür. Kiçik qardaş Tommi isə həyatda öz yolunu tapa bilmir və tez-tez çətinliklərlə üzləşir. Əfqanıstana xidmətə yola düşən Sem ailəsini Tommiyə tapşırır.

Bir müddət sonra evə Semin döyüşlərdə həlak olması xəbəri çatır. Tommi kədər içində olan Qreysə və uşaqlara arxa durmağa, onların qayğısına qalmağa çalışır. Birlikdə keçirdikləri bu çətin günlər gəncləri bir-birinə yaxınlaşdırır və aralarında gözlənilməz hisslər oyanır.

2009-cu ildə ABŞ-da istehsal olunmuş «Brothers» filminin rejissoru Cim Şeridandır. Əsas obrazları Tobi Maquayr, Ceyk Cillenhol, Natali Portman və Sem Şepard canlandırıblar.