Aldadılmış

Şimal ordusunun yaralı əsgəri Con Makberni cənubluların qızlar pansionatının gənc tələbəsi tərəfindən ölümdən xilas edilir. Qapalı məktəbin qadın heyəti düşmən hərbçisini sığınacaqda gizlədərək onu müalicə etməyə başlayır. Tədricən sağalan Con düşdüyü bu təcrid olunmuş məkanın onun üçün nə qədər əlverişli olduğunu anlayır.

Cazibədarlığından istifadə edən qonaq müəllimələrin və tələbələrin diqqətini özünə çəkir. Yaraşıqlı əsgərin rəğbətini qazanmaq istəyi qadınlar arasında gərginliyi artırır və sakit mühiti rəqabət meydanına çevirir. Gizli qısqanclıq pansionat daxilindəki ab-havanı getdikcə daha təhlükəli həddə çatdırır.

"The Beguiled" adlı hərbi triller filmi 1971-ci ildə ABŞ-da rejissor Don Siqel tərəfindən çəkilib. Baş rolları Klint İstvud, Ceraldin Peyc, Elizabet Hartman və Co Enn Harris canlandırıblar.