Padmavat

On dördüncü əsrin əvvəllərində Hindistanın böyük bir hissəsini ələ keçirən Sultan Əlaəddin Xilci yeni zəfərlər axtarışındadır. Çittorqardan qovulmuş keçmiş saray müşaviri ona məharəcə Ratan Sinqhin xanımı Padmavati haqqında danışır və bildirir ki, bu qadının zəkası və gözəlliyi hökmdarın qüdrətini daha da artıracaq. Eşitdiklərindən sonra sultan nəyin bahasına olursa-olsun Padmavatini ələ keçirməyi qarşısına məqsəd qoyur.

Xilci ordusunu Çittorqar qalasının divarları önünə gətirərək şəhəri mühasirəyə alır. Hökmdar qala sahibinə xəbərdarlıq edir: əgər Ratan Sinqh öz xanımını ona təslim etsə, qalaya və sakinlərə toxunulmayacaq. Şərəf və sədaqətlərinə bağlı olan qala müdafiəçiləri qəddar işğalçının tələbi qarşısında amansız bir sınaqla üz-üzə qalırlar.

2018-ci ildə Hindistanda istehsal olunmuş «Padmaavat» filminin rejissoru Sancay Lila Bhansalidir. Əsas obrazları Dipika Padukone, Ranvir Sinqh, Şahid Kapur və Aditi Rao Hidari canlandırıblar.