Rjev

1942-ci ildə Rjev ətrafında gedən qızğın döyüşlər zamanı Ovsyannikovo kəndi uğrunda toqquşmalarda sovet bölüyünün böyük hissəsi həlak olur. Sıralarda cəmi üçdəbir qüvvə qalır. Əsgərlər köməyin gələcəyinə ümid bəsləsələr də, qərargahdan kəndi nəyin bahasına olursa-olsun əldə saxlamaq əmri gəlir.

Müdafiəçilər vəziyyətin ağırlığını dərk etdiyi vaxt atəş altından keçərək kəndə xüsusi şöbənin rəisi gəlib çatır. Kiçik leytenantın məqsədi döyüşçülərin arasında xainləri üzə çıxarmaqdır. Bu zabitin gəlişi kənddəki hadisələrin gedişatını tamamilə dəyişir.

«Rjev» tarixi dram filmi 2019-cu ildə Rusiyada rejissor İqor Kopılov tərəfindən çəkilib. Ekran əsərində əsas rolları Sergey Jarkov, İvan Batarev, Oleq Qayanov və Arseni Semyonov canlandırıb.