Kəhrəba amulet

1944-cü ilin yayında gənc barones Barbara ailə həyatı qurur. Həyat yoldaşı Aleksandr sevgilərinin rəmzi olaraq ona kəhrəba amulet bağışlayır, cəbhəyə yollanır və orada itkin düşür. Qısa müddət sonra Barbaranın ailə mülkündə mayor Belyayevin başçılıq etdiyi sovet əsgərləri məskunlaşır.

Barbara ilə sovet zabiti arasında hisslər yaranır. Lakin qadın ondan uşaq gözlədiyini gizlədərək Moskvaya getmək təklifini qəbul etmir. Əsirlikdən qayıdan Aleksandr bu oğlanı öz övladı kimi böyüdür. 1953-cü il qiyamından sonra ADR məhkəməsi Aleksandrı casusluqda ittiham edib iyirmi illik həbs cəzasına məhkum edir. Barbaranın ərini xilas etmək və ailəsini Qərbə keçirmək üçün kömək istəyə biləcəyi yeganə şəxs Belyayev olur.

«Das Bernstein-Amulett» tarixi melodramını rejissor Qabi Kubax lentə alıb. Almaniya istehsalı olan bu film 2004-cü ildə nümayiş olunub. Baş rolları Müriel Baumayster, Mixael fon Au, Nadyejda Brennike və Merab Ninidze canlandırıblar.