Çıxışsız dəniz

Gənc və istedadlı beysbolçu Koci Namiki məktəb illərində milli çempionatda qalib gəldikdən sonra təhsilini universitetdə davam etdirir. Çox keçmədən qol dirsəyindən zədə alması onun idman karyerasını təhlükə altına qoyur. Komanda yoldaşları ilə birgə meydançaya qayıtmağa çalışan idmançı «sehirli atış» adlandırdıqları xüsusi yavaş atış növü üzərində işləməyə başlayır.

Lakin başlayan İkinci Dünya müharibəsi gənclərin idmanla bağlı bütün planlarını alt-üst edir. Donanma sıralarına qatılan dostlar ölümə hazırlanan xüsusi təlimlərdən keçirlər. Onların qarşısında «kayten» adlanan idarə olunan insan-torpedalarında okeanın dərinliklərinə getmək vəzifəsi dursa da, Koci xəyalındakı atışı unutmur.

2006-cı ildə ekranlara çıxan «Çıxışsız dəniz» (Deguchi no nai umi) hərbi dram janrındadır. Yaponiyada istehsal olunmuş bu filmin rejissoru Kiyoshi Sasabedir. Əsas rolları Ebizo Ichikawa, Yusuke Iseya, Juri Ueno və Shun Shioya canlandırıblar.