Müharibə dövründə qış

Nasist işğalı altındakı Niderlandda soyuq və aclıq dolu günlər hökm sürür. Kiçik bir şəhərin bələdiyyə başçısının on beş yaşlı oğlu Mixil atasının düşmənlə ehtiyatlı davranmaq siyasətini qəbul etməkdə çətinlik çəkir. Atası bu yolla qonşu ailəni həbsdən qurtarmağı bacarsa da, gənc oğlana evlərinə sığınan və gizli müqavimət hərəkatı ilə əlaqəsi olan Ben dayısı daha yaxın görünür.

Çox keçmədən Mixilin özünün də gizlətməli olduğu böyük bir sirr yaranır. Təsadüf nəticəsində o, almanlar tərəfindən vurulan və meşədə gizlənən yaralı ingilis pilotu Cekin qayğısına qalmağa başlayır. Bu gizli fəaliyyət barədə heç dayısının da xəbəri olmur.

«Müharibə dövründə qış» filmi Niderland və Belçika kinematoqrafçılarının birgə layihəsi kimi 2008-ci ildə ekranlara çıxıb. Tarixi dramın rejissoru Martin Kolhoven, baş rolların ifaçıları isə Martin Leykmeyer, Yorik van Vaqeningen, Ceymi Kempbell Bauer və Raymond Tiridir.