Azadlıq: Yarılma

Hadisələr 1943-cü ildə cərəyan edir. Qırmızı Ordu Oryol və Belqorod şəhərlərini azad edərək Dnepr çayına doğru irəliləyir. Çayın sağ sahilində möhkəmlənmək və düşmənin diqqətini yayındırmaq məqsədilə sovet komandanlığı saxta platsdarm qurmaq qərarına gəlir. Burada mövqe tutan bölmələr sayca üstün olan rəqib qüvvələri tərəfindən mühasirəyə alınır və ağır itkilər verir. Sağ qalan azsaylı döyüşçülər arasında olan kapitan Svetayev və mayor Orlov əsas keçid məntəqəsinə doğru irəliləməyə çalışırlar.

Eyni vaxtda beynəlxalq cəbhədə də mühüm proseslər baş verir. İtaliyada baş verən dövlət çevrilişi nəticəsində Benito Mussolini həbs edilir və hakimiyyətdən kənarlaşdırılır. Adolf Hitler faşist rejimini bərpa etmək və müttəfiqini azad etmək üçün Şərq cəbhəsindən bir neçə diviziyanı ora göndərməyin yollarını axtarır.

«Azadlıq: Yarılma» hərbi dram filminin rejissoru Yuri Ozerovdur. Ekran əsəri 1969-cu ildə SSRİ-də lentə alınıb. Əsas rolları Nikolay Olyalin, Boris Zaydenberq, İvo Qarrani və Vladimir Samoylov canlandırıblar.