Buradan əbədiyyətə qədər

Sıravi əsgər Robert Li Pruit baş vermiş bədbəxt hadisədən sonra Havay adalarındakı yeni hərbi hissəyə köçürülür. İstedadlı boksçu olan Pruit artıq rinqə çıxmaq istəmir, çünki məşq zamanı dostuna xəsarət yetirmiş və o, görmə qabiliyyətini itirmişdir. Lakin kapitan Homs başda olmaqla ordu rəhbərliyi idman yarışlarını karyera vasitəsi sayır və sıravinin bu inadını xəyanət kimi qiymətləndirərək ona təzyiq göstərməyə başlayır.

Pruit rəhbərliyin təzyiqlərinə qarşı durarkən, əsgər dostu Ancelo Macio amansızlığı ilə tanınan hərbi həbsxanaya düşür. Zabit heyətinə nifrət edən serjant Milton Uorden isə öz qisasını bölük komandirinin arvadı Karenlə gizli eşq yaşamaqla alır. Onların bu qadağan olunmuş münasibəti getdikcə dərinləşir, lakin 1941-ci il dekabrın yeddisində Yaponiyanın Pörl-Harbora hücumu bütün personajların taleyini alt-üst edir.

1953-cü il istehsalı olan «From Here to Eternity» hərbi dram filmi rejissor Fred Sinneman tərəfindən çəkilmişdir. ABŞ istehsalı ekran əsərində baş rolları Bört Lankaster, Montqomeri Klift, Debora Kerr və Donna Rid canlandırıblar.