Dovşan ovu

1945-ci ilin əvvəllərində Mauthauzen yaxınlığındakı düşərgədə saxlanılan yüzlərlə sovet hərbi əsiri ölüm hökmünü gözləyir. Nasistlərin tərəfində döyüşməkdən qətiyyətlə imtina edən bu insanlar gecə saatlarında kütləvi şəkildə qaçmaq qərarına gəlirlər.

Əsirlərin böyük hissəsi elə yerindəcə məhv edilsə də, bir neçə nəfər qonşu kəndlərdə gizlənməyi bacarır. Qalan qaçqınları ələ keçirmək istəyən düşərgə nəzarətçiləri yerli əhalini bu insanları təqib etməyə və ovlamağa cəlb edir.

Rejissor Andreas Qruberin çəkdiyi «Dovşan ovu» (The Quality of Mercy) hərbi dram janrındadır. Almaniya və Avstriyanın birgə istehsalı olan bu ekran əsəri 1994-cü ildə təqdim edilmişdir. Əsas rollarda Elfrida İrrall, Rayner Eqqer, Oliver Broumis və Merab Ninidze çəkilmişlər.