Xatırlayacağam

1942-ci ildə cənubdakı kiçik bir şəhər faşist işğalı altına düşür. Yunan qadınla rus kişisinin oğlu olan on üç yaşlı Vadka alman hərbçilərinin hədəfinə tuş gəlir, çünki xarici görünüşünə görə onu yəhudi zənn edirlər. Atası haqsız böhtanla düşərgədə cəza çəkərkən küçələrdə böyüyən yeniyetmə cinayətkar aləmin qaydalarına meyil göstərib.

Vadka atasını zəif və yararsız bir insan hesab edir, xüsusən də başqalarının cəbhədə vuruşduğu bir vaxtda onun susqunluğuna dözə bilmir. Həbsdən şikəst və ruhən sınmış qayıdan ata ilk baxışdan qəhrəmana bənzəmir. Lakin məhz bu adam bir çox insanın həyatını qurtarmaq naminə öz canını fəda etməyə hazır olduğunu sübut edir.

«Xatırlayacağam» (Ya budu pomnit) adlı hərbi dram filmi 2010-cu ildə Rusiyada çəkilib. Ekran əsərinin quruluşçu rejissoru Vitali Vorobyovdur. Baş rolları Sergey Maxovikov, Roman Qolçuk, Denis Paramonov və Sergey Aprelski canlandırıblar.