Bratuşka

1944-cü ilin payızında sovet qoşunları Bolqarıstan torpaqlarını azad edir. Arxa cəbhə karvanında at arabası ilə irəliləyən əsgər Ales Kazankın arabasının təkəri sınır və o, yaxınlıqdakı kəndə dönməli olur. Kənd sakinləri döyüşçünü sevinclə qarşılayır və onun arabasına naxışlı yeni təkər bərkidirlər.

Kazankın arabasında artıq faşist əsirliyindən qurtulmuş rumın qızı Marika var. Çox keçmədən onlara gizli fəaliyyətinə görə bu kəndə sürgün edilmiş tələbə Jivko və əsir düşən alman əsgəri İohann da qoşulur. Bu fərqli yol yoldaşları şəhərə çatana qədər müxtəlif hadisələrlə və insanlarla qarşılaşırlar.

1975-ci ildə ekranlara çıxan «Bratuşka» filmi SSRİ və Bolqarıstan kinematoqrafçılarının birgə istehsalıdır. Hərbi dram janrında çəkilmiş ekran əsərinin rejissoru İqor Dobrolyubovdur. Əsas rolları Anatoli Kuznetsov, Stefan Danailov, Svetlana Toma və Vladimir Basov canlandırıblar.