Son qatar

1943-cü ilin yazında nasist rəhbərliyi Berlində qalan yəhudiləri tamamilə şəhərdən çıxarmaq qərarına gəlir. Artıq minlərlə insan deportasiya olunub və aprel ayında Qrunevald stansiyasından Auşvitsə doğru 688 nəfərlik növbəti eşelon yola düşür. Yaşından və peşəsindən asılı olmayaraq alimlər, sənətçilər və idmançılar eyni yük vaqonlarına doldurulur.

İstilik, aclıq və susuzluq yol boyu dustaqların vəziyyətini dözülməz həddə çatdırır. Vaqondakı bəzi insanlar, o cümlədən Henri və Lea Noyman cütlüyü, Rut Zilberman və cəsarətli Albert Rozen qatardan qaçmağa çalışırlar. Qatar hədəfinə yaxınlaşdıqca onların hərəkətə keçmək üçün vaxtı getdikcə azalır.

«Der letzte Zug» hərbi dram filmi rejissorlar Yozef Filsmayer və Dana Vavrova tərəfindən lentə alınıb. Almaniya və Çexiyanın birgə istehsalı olan bu ekran əsəri 2006-cı ildə işıq üzü görüb. Əsas rolları Qedeon Burkhard, Lale Yavaş, Lena Bayerlinq və Sibel Kekilli canlandırıb.