Ağlayan adam

1920-ci illərin sonunda Rusiyanın əyalətində yaşayan ailə ayrılığa düçar olur. Ata qazanc dalınca Amerikaya yollanır, onun izi ilə getmək istəyən balaca qızı isə İngiltərədə xristian yetimxanasına düşür. Qıza Syuzi adı verilir. O, burada ana dilini tədricən unudur və oxumaq qabiliyyətini inkişaf etdirir.

Yıllar sonra gözəl səsə malik olan gənc qız Parisə köçür. Fransanın paytaxtında o, ilk sevgisini və güclü hisslərini yaşayır. Lakin müharibənin başlanması və nasistlərin şəhərə daxil olması hər şeyi alt-üst edir. Sevdiyi insanı və rəfiqəsini itirən Syuzi atasını tapmaq ümidi ilə okeanın o tayına yola düşür.

«The Man Who Cried» musiqili dram filmi 2000-ci ildə nümayiş olunub. Böyük Britaniya və Fransanın birgə istehsalı olan bu ekran əsərinin rejissoru Salli Potterdir. Əsas rolları Kristina Riççi, Keyt Blanşett, Con Turturro və Oleq Yankovski canlandırıblar.