Triage

Qaynar nöqtələrdə çalışan iki yaxın dost eksklüziv kadrlar çəkmək üçün həyatlarını təhlükəyə atmağa öyrəşib. Hərbi fotomüxbirlər peşə fəaliyyətində irəli getsələr də, geri dönüşü olmayan sərhədi keçməməyə çalışırlar.

Növbəti ezamiyyət onları müharibənin tüğyan etdiyi Kürdüstana aparır. Yerli səhra hospitalında həmkarlar yaralıların amansız üsulla seçilməsinin şahidi olurlar: ağır xəstələri başından güllələyir, yalnız sağ qalmaq şansı olanları xilas etməyə çalışırlar. Gördüklərindən sarsılan jurnalistlər evə qayıtmaq əvəzinə, çəkilişləri davam etdirmək qərarına gəlirlər.

«Triage» hərbi dram filmi 2009-cu ildə İspaniya, Fransa və İrlandiyanın birgə istehsalı ilə lentə alınıb. Rejissor Danis Tanoviçin idarə etdiyi layihədə baş rolları Kolin Farrell, Pas Veqa, Ceymi Sives və Kelli Raylli canlandırıb.