Lakaniyanın batması

1942-ci ilin payızında Cənubi Atlantika sularında böyük bir dəniz fəlakəti baş verir. U-156 adlı alman sualtı qayığı Britaniyaya məxsus «Lakaniya» laynerinə torpeda zərbəsi endirir. Gəminin batması nəticəsində göyərtədəki qadınlar, uşaqlar və müxtəlif millətlərdən olan ümumilikdə üç minə yaxın insan ölüm təhlükəsi ilə üzləşir.

Çox keçmədən sualtı qayığın heyəti batan gəmidə mindən çox italyan hərbi əsirinin — Almaniyanın müttəfiqlərinin də olduğunu öyrənir. Belə bir vəziyyətdə kapitan Verner Hartenştayn müharibə dövrü üçün gözlənilməz addım atır: o, suyun üzünə çıxaraq insanları xilas etmək barədə əmr verir.

Böyük Britaniya və Almaniyanın birgə istehsalı olan «Lakaniyanın batması» tarixi hərbi dram filmini rejissor Uve Yanson çəkib. 2010-cu ildə təqdim edilən ekran əsərində əsas rolları Endrü Bakan, Ken Duken, Lindsi Dunkan və Tomas Kreçman canlandırıblar.