Baskın

1942-ci ilin yayında Paris polisi yerli yəhudi əhalisinə qarşı kütləvi həbslər həyata keçirir. «La rafle» filmi real tarixi hadisələrə əsaslanaraq, 16 və 17 iyul tarixlərində təqibə məruz qalan üç ailənin acı taleyindən bəhs edir. On iki mindən çox insan heç bir zəruri şəraiti olmayan «Vel d'İv» velodromuna toplanır.

Dustaqlar altı gün boyunca dözülməz vəziyyətdə saxlanılır, onlarla insan intihar edir, qaçmağa cəhd göstərənlər isə dərhal güllələnir. Velodromdakı işgəncəli günlərdən sonra məhbuslar Dransi, Bon-la-Roland və Pitivye kimi Fransa düşərgələrinə göndərilir. Oradan isə onların son dayanacağı ölüm düşərgələri olur.

2010-cu ilin tarixi hərbi dramını rejissor Rozlin Boş lentə alıb. Fransa, Almaniya və Macarıstanın birgə istehsalı olan bu layihədə baş rolları Jan Reno, Melani Loran, Qad Elmaleh və Rafael Aqoqe canlandırıb.