Xatırlayırsanmı

Gənc leytenant Viktor tank məktəbini bitirərək müharibə ərəfəsində doğma evinə qayıdır. Ona bəslədiyi hissləri gizlədən qonşu qız Lyuba bu görüşü səbirsizliklə gözləsə də, Viktorun tək deyil, gənc həyat yoldaşı ilə gəlməsi onu dərindən məyus edir. Çox keçmədən döyüşlər başlayır və Viktor cəbhəyə yollanır.

Bir müddət sonra Viktorun bir oğlu dünyaya gəlir və Lyuba körpəyə baxmaqda qonşu kimi kömək edir. Bu ərəfədə qız Viktorun arvadının onu sevmədiyini, başqa birinə, Jenya adlı şəxsə meyil saldığını anlayır. Jenya yaralanıb qonaq gələndə isə qadın uşağını da götürüb onunla birlikdə gedir. 1943-cü ildə Lyuba tibb bacısı kimi orduya yazılır, cəbhədə təsadüfən Viktorla qarşılaşır və arvadının son məktubunu ona çatdırır.

«Ты помнишь» hərbi dram filmi 1979-cu ildə SSRİ-də lentə alınıb. Ekran əsərinin rejissoru Oleq Nikolayevskidir. Baş rollarda Yelena Qovoruxina, Aleksandr Fatyuşin, Olqa Boqdanova və Anatoli Yeqorov çəkiliblər.