Harrisonun gülləri

1991-ci ilin payızında Pulitser mükafatı laureatı olan fotojurnalist Harrison Lloyd Nyu-Yorku tərk edərək Yuqoslaviyaya yollanır. Bu ezamiyyət onun hərbi münaqişə zonalarına son səfəri olmalı idi. Döyüş meydanlarının dəhşətlərini çəkməkdən yorulan fotoqraf artıq dinc həyat arzulayır və xanımı Saraya oğlunun ad gününə qədər qayıdacağına söz verir.

Xorvatiyanın şimalında jurnalist qəfil yoxa çıxır və tezliklə onun rəsmi olaraq həlak olduğu bildirilir. Lakin Sara bu xəbərə inanmır və daxilən ərinin sağ qaldığını hiss edir. Həyat yoldaşını tapıb geri gətirmək üçün o, qanlı toqquşmaların davam etdiyi keçmiş Yuqoslaviya torpaqlarına getmək qərarına gəlir.

Rejissor Eli Şurakinin çəkdiyi «Harrison's Flowers» filmi 2000-ci ildə ABŞ və Fransa kino şirkətlərinin birgə istehsalı ilə ərsəyə gəlib. Ekran əsərində baş rolları Endi Makdauell, Elias Koteas, Brendan Qlison və Edrian Broudi canlandırıb.